Sinopsis: Itziarrek bere bizitzako ametsa betea du: idazlea da, eta gazteek gogoko dituzten liburuak argitaratzen ditu. Gazteak ez dira, ordea, irakurtzen dioten bakarrak. Nahikoa izango da Fermin bezalako gizon heldu batengan piztutako miresmena, idazlearen ametsa amesgaizto bihurtzeko. Fermin jaunak munduko ipuinik onena entzun nahi du Itziarren ezpainetatik, eta, horretarako, gizon ero hau idazlea bahitzeko prest dago, eta tortura psikologikoetara eta fisikoetara iritsiko da bere helburua lortzearren. Idazlea laster ohartuko da eroari kontatzen dizkion ipuinetan agertuko zaiola heriotzera edo askatasunera eramango duen bidea.
Opinión: Misteriozko narrazioen kutsua du, Stephen Kingen Misery eta horrelako eleberrien antzekoa. Azkenean ipuin bilduma dela esan dezakegu. Baina zein da munduko ipuinik onena? Irakurritako ipuinak erraz ulertzen dira eta erakargarriak iruditu zaizkit. 16 urtetik gorako nerabeentzat aproposak dira.
No hay comentarios:
Publicar un comentario